يوميات طالب مفصول....باللهجة البحرانية....لاتفوتكم....تضحك....وتجنن

السلام عليكم ورحمه الله وبركاته

((منقوووووووووول))
قد جئناكم اليوم ونحن حاملين لكم قصة قصيرة قد كتبناها بقلمنا المتواضع قصة تحكي عن شاب مراهق في مقتبل العمر يهدر ويعرض حياته للانحراف والخطر والفساد وذلك بعد فصله من المدرسه لكثرة مشاغبته فيها ومشاكله مع الطلبة والمدرسين ولكن الى ان يهتدي الحال سوف يرى ويتعلم من الحياة ما قد يرشده للطريق الصواب .





تعريف بأبطال القصه:

( ابوحمود ) : رجل كبير عمره تجاوز 80 حالته المادية ضعيفه جدا يعمل في احد المزارع كفلاح يحصد الارض .



( ام حمود ) : امرأة كبيرة ولكن صحتها قويه عمرها 65 عام اميه لا تعرف الكتابه ولا القراءة .



( جلول " جليله" اخت حمود ) : طالبه في المرحله الثانويه وهي طالبه متفوقه تدرس باجتهاد لكي تتخرج ويكون لها مستقبل ترضى فيه وتساعد به اسرتها الفقيرة .



( حمود ) : بطل القصة شاب مراهق فصل من المدرسه وهو لم يكمل الصف الثالث متوسط لتعديه على احدى المدرسين بالمدرسه وضربه ويلقب بــ " جماع القواطي " .



( سلوم ) : صديق حمود وايضا من عائله فقيرة ولكن يملك افكار شيطانيه ويعفس بلد بها ويلقب بــــ " بقعه الزيت " .


اما اللأن نبدأ بسرد القصة.

مع تمنياتي ان تعجبكم....


.................................................. .............................................

الجزء الاول
وقف عند باب البيت وهو يحمل ورقه الفصل النهائي من المدرسه ويقول في نفسه : الحين يا ويلي ادا دخلت البيت وحصلت امي قاعدة ..... ما بتلجيني من الهدرة وما بتخلي دعوة الا بتنزلها وبتدعليها عليي ..... ادري ابها انا ..... وبعد جاي من المدرسه من وقت .... اكيد بتشك في السالفه .... ما اليي الا اجدب عليها جدبه وهي جدي جدي ما تعرف تقرا ولا بتدري هادي ورقه ايشو الا في ايدي .



دخل وفي نيته يلعب لعبه على امه .... تفكه من اسالتها الي ما تخلص وهدرتها . فتح الباب وصكاه بالعدال وقام يمشي على اطراف اصابع رجوله علشان .... ما يطلع صوت يخلي امه تشك وتدري ان في احد في البيت ....... وفجأة !



( ام حمود ) : حمــــــــــــــود ؟؟؟؟؟؟؟؟؟!!!!!!! ويش تسوي يالادمر هني ؟؟؟؟ ما تقول اليي لويش ما رحت المدرسه ؟ تعال هني خلني اراويك شغل ربي تعال يا طايح النصبه والدات .



( حمود ) : هـــــــا ..... لا اماه ... بس احنا اليوم استادنا غايب وقالوا الينا المدرسه روحوا بيوتكم استريحوا ما في دروس اليوم .... الظاهر اماه ان الاستاد مريض عدل ...... رايحه عليه ..... متهاوش ويه مرته وفلتت عليه نعال زنوبه على عيونه وبطتها ..... مسكين ما يقدر يجي المدرسه ... واحنا عطونا ورقه كاتبين فيها ان عندنا اجازة لمدة شهر .... حتى اطلعي هكوا الورقه عندي تبين تشوفينها ؟



( ام حمود ) : تتبهلل عليي يا اللي ما تستحي على وجهك ... من وين اليي اعرف اقرا اني ؟؟؟؟ لكن جيب الورقه بطلعها بشوف ويش سالفتهم هالمدرسه ..... ما اصدق يعطونكم اجازة شهر .



( حمود ) : هاش جودي اقري عدل ... اجازة شهر مو تنبهيني باجر للمدرسه هداني قلت ليش .



( ام حمود ) : اي صدق اكو مكتوب ان الاستاد على عمري مفلوع بالنعال هههههههه استحوا يقولون متهاوش ويه مرته ...... اي فضيحه يقولون متهاوش خلوه مريض بس .



( حمود ) : اماه ..... الورقه مقلوبه جيفه قريتينها ههههههههههههه ....... وفاني شي انا ما اجدب عليش قلت ليش عندنا اجزة خلاص المفروض تصدقيني .



( ام حمود ) : انزين .... انزين .... لا تسوي اليي الحين سوالف وتسبل ...... اني بطلع بيت ام حسوون .... وادا ادن برجع البيت زين ؟



( حمود ) : اوه من متى تقولين اليي وين انتين رايحه .... المهم .... اماه انا بروح انام بس لين رجعتين لا تقولين لاحد مفل ابويي يعني ... ان المدرسه عاطينا اجازة بعدين الوزارة تدري ويحبسون مديرنا .... مو زين يعني نقطع برزق الرجال اماه .



( ام حمود ) : لا لا فيها سجن ... مسجين المدير خوش رجال عاطنجم اجازة ومريحجم .... ما بقول لاحد خلاص .



دخل حمود حجرته وهو متشقق ... قدر يجدب على امه وفلت من الهدرة اليوم والزنه على راسه .... بس الله يعينه لو درت عن سالفه الفصل . توه منبطح على المرقد جان يسمع صوت تفلع حجارة على الدريشه ... " ههههههههه هاده اكيد سلوم بقعه الزيت جاي اليي .... قايل اليه الف مرة لا يفلع حجارة على الدريشه .... بيكسرها اليي وابويي بدفعني ثمنها من خرجيتي ..... لا بارك الله فيه " .



نزل تحت البيت وفتح الباب ....... لقى سلوم واقف كشته رايحه عليها .... شكله قاعد من النوم ..... ههههههه قطع هالشكل نعال حمامات وقميص زراراته نصها مو في محلها والصروال قاحص لفوق جوزة الرجول .



( حمود ) : هههههههههههههه هلا هلا هلا والله ببقعه الزيت .... ها ويش مجيبنك هني ؟؟؟ مو انته اليوم مريض ولا جيت المدرسه لاه ؟؟؟



( سلوم ) : لا اي مريض ... انا اليوم سويت سوايا ... رحت المدرسه وانخشيت تحت سيارات الاساتده .... وفششت التواير واحد واحد ....... طلعت حرتي مالت امس .... عجل من يدخل استاد قال اليي قوم اوقف ورى يالغشاش .... كاني الوحيد الا يبرشم في الامتحانات ..... ما صارت هادي ..... قلت انتقم منهم وبشوفون ازيد بعد .



( حمود ) : هاااااااااااااااا ...... الحين عرفت منهو الا فشش التواير وقلب علينا المدرسه اليوم .... طلعت انته بقعه الزيت !!! اه منك عليك افكار ....... بس تدري ان عاقبوا صبيان المدرسه نصهم ... وانا منهم .... وقالوا الي ما يعترف من الي فشش التواير بنخلي الشرطه تجي وتجين وياها جلاب اطلع المجرم ..... بس ما في احد اعترف .... والمدرسه قالبه عفسه فوق تحت .



( سلوم ) : هههههههههاااااااااااي ..... حريمهم يعرفوني لو يصيدوني ..... بس قول زين ان عملتي نجحت وجابت نتيجه .... خلهم يستاهلون ....... الا تعال جماع القواطي .... صدق الا سمعته من امك الحين ؟



( حمود ) : ويش سمعت بعد ؟؟؟



( سلوم ) : وانا طايف على بيت ام حسون .... سمعت صوت امك يلعلع ...... تقول ان المدرسه عاطينا اجازة شهر لان استادنا مريض .



( حمود ) : طالع هادي الا بتفضحنا بعد ...... لا مو صدق .... اليوم تهاوشت ويه استاد ابو خنفر...... وضربته وبطيت عيونه .... قاموا فصلوني ..... ويوم رجعت البيت قلت لامي ان ورقه الفصل هادي اجازة شهر ..... لان استادنا مريض والمدرسه اليوم رجعونا من وقت و ما في دروس .



( سلوم ) : ههههههههه خطير انت ما اقدر عليك .... والحين ادا درى ابوك ويش بتسوي ؟



( حمود ) : لا تخاف ما بيدري .... من بقول اليه يعني ... الا اذا امي فتحت بوزها وهاده انا مهددنها .... ما تعرف تسكت دقيقه .... وادا درى نحصل الينا جم خبصه واسبوع على المرقد في البيت ...... وبعدين نقوم ما فينا شي كانا العافيه .... سهله يعني لا تحاتي




يـــتــــبــــع

( سلوم ) : اقول جماع القواطي ... امشا نروح نجمع لينا جم قوطي نترزق منهم .



( حمود ) : اي والله فكرة .... بدال ما احنا قاعدين اهني لا شغله ولا عمله ..... كل واحد راز الفيس للثاني ..... قابليني قابلتش العافيه ..... امشا اقول امشا .

وتوهم بيطلعون من الباب ..... جان يطلع ابو حمود في وجههم .... وهم كل واحد تخزبق .... ما عرف شيسوي .



( ابو حمود ) : هــــــا .... الا اشوفكم هني ؟؟؟ ما رحتون المدرسه ؟؟؟؟ ليكون غايبين عنها يا طايحين الحظ .... ما فيكم الا راس القوطي والعيون المبققه في الحصص .... والا هو ادا رحتون لو غبتون نفس الشي .



( حمود ) : لا ابويي .... احنا اليوم عندنا رحله ورجعونا من وقت .... واجد استانسنا هناك ... ودونا ابويي العرين .... شفنا التيوس والغنم والبط .



سلوم بينه وبين نفسه : الله يستر .... ما ناقص الا يقول شفنا البقر والثيران ..... انا ادري من وين يجيب هالشلخ كله !



( ابو حمود ) : اي اي .... لا ادا جدي عجل مسامحه غلطنا عليكم ..... اي بعد يوليداتي كل شي ولا الدراسه .... هي مستقبلكم ... وادا ما اهتميتون فيها باجر تكبرون وما تحصلون نفسكم .



مرة ثانيه سلوم ويه نفسه يتحلطم : ولا القهر ابوه يصدقه بعد .



( سلوم ) : لا تخاف عمي ... احنا كل شي ولا المدرسه ... هي مفل ما قلت مستقبلنا .... لا توصي حريص .



( حمود ) : يالله ابويي ....... تبغى شي ؟؟ احنا طالعين شوي قبل الادان وبعدين بنروح المسجد .



( ابو حمود ) : لا يا خلف جبيداتي ... لا يا غناتي ... ما امبي شي الا سلامتكم .... اتحملوا بروحكم زين .



( سلوم وحمود ) : يالله مع السلامة .



طلعوا برى الشارع ...... وكل واحد حاط ايده على صدره وينافخ من الخوف .... الحمدلله ما اكتشف شي ولا عرف شي .... اشوة مرت سليمه ... جان رحنا فيها .



( سلوم ) : هــــا .... ما شفت البقر والحمير والحصنه في العرين انتا بعد ؟؟



( حمود ) : اشششششششششششش ..... اسكت فضحتنا ..... الله يفضحك قول امين يالاثول ..... كله تتحلطم وبس ..... ويش تبيني اقول اليه يعني .... انا مفصول عن المدرسه لان متهاوش ويه الاستاد ..... وباط عيونه عساها ما تبرى ان شاءالله ..... وهذا سلوم المدرسه قالبين عليه الدنيا يدورونه .... لانه مكسر سيارات الاساتده ؟؟؟؟ ويش حلاوتي والله وانا اقول اليه جدي .



( سلوم ) : انزين انزين ... لا تقعد تتفلسف علينا ..... اسكت وانته منجب وامشه قداميني .... خل نجمع لينا جم قوطي نفس راسك المحلي نترزق منه .



( حمود ) : ويش ويش ويش ويش .... عيد لو سمحت .... يش تقول ؟؟ منهو راسه القوطي المحلي يا بقعه الزيت .... لكن ما عليه روح بروحك مانه جاي وياك .



( سلوم ) : لا لا لا ..... اسفين حبيبي .... حقك علينا يا ابو المزاقريت ..... كل شي ولا زعل الحبايب .... انا الا ما استحي وانا الاثول ... انا راس القوطي مفل ما قال ابوك .... اي ما فينا شده على زعلك .



( حمود ) : اي ... هاده الحجي السنع ..... مو من ساعه مسمتني سب وانا اخوك .... يالله امشا اهو لا يادن الحين .



( سلوم ) : الحين رضيت ؟؟؟ نمشي يعني ؟؟؟؟؟



( حمود ) : يالله له ... ويش تنطر ؟ وانا ويش اقول يعني من ساعه لحد الحين ؟ تبي جمع على ظهرك عفر ؟



سلوم وهو يضرب على راس حمود بالفووووووول حتى رج ليه مخه : يالاخبل يالله عاد عطيناك وجه واجد ... قمت تتفلسف علينا .... صدق ما تنعطا وجه يالاتلح .



حمود وهو يفصخ نعاله الزنوبه ويرميه على سلوم الا من زمان شال عليه ركضه لبيتهم : تعال يا وجه البطه ...... تعال جان فيك خير .... ان ما راويتك جيفه تضربني مرة فانيه .... تعال يالجبان .... ما عليه اصيدك ..... وين بتروح عني يعني ..... يصير خير يا بقعه الزيت .



سلوم شال نعاله وجوده بايديه وطار عليه ركض علشان ما يصيده حمود ويضربه : ههههههههه ...... هههههههههااااااااااي .... ضحكتني والله ...... في احلامك تصيدني يالدبه .



دخل حمود البيت معصب عدل وواصل حده من حركات بقعه الزيت سلوم .... هين يا سلوم خل اصيدك .... براويك منهو هاده حمود الا تضربه وتتفلسف عليه وتهرب بيتكم .



بعد نص ساعه دخلت ام حمود البيت وحصلت حمود سرحان في الصاله .



( ام حمود ) : حمود ..... حمـود ..... حمـــود ..... حمـــود !!!!!!!!!!



( حمود ) : هــــــــا ..... ويش صاير ؟؟؟ منهو مات ؟؟؟ منهو صادوه ؟؟؟ مو انا والله مو مني مو انا لا تاخدوني .



( ام حمود ) : لا بالله ولدي استخف ..... الحمدلله والشكر .... ويش فيك حمدوه ؟؟ ويش صاير في عقلك ؟؟ عفر استخفيت ؟



( حمود ) : افــــــــ .... اشوة ... حسبالي في شي صدق الحين .... ويش تبين اماه ؟؟ مو انتين في بيت ام حسون ... متى رجعتين ؟؟ وبعدين مو انا قايل اليش سالفه الاجازة لا تقولينها لاحد ..... امداش نشرتينها على الفريق كامل ؟؟!!



( ام حمود ) : هـــا ... اااا لا ... هو يعني زلت لسان .... بس قلت لام حسون ... ووو صدقني زلت لسان ... وبعد يعني ه ه هو ..... كانت وياها ام جسوم ... وام صدوق .... وام حلوم ... وام منصور ... وجم مرة يعني ...... بس لا تطمن .... يعني محد بيدري لا تخاف .



( حمود ) : لاااااااااا ... صدق .... من بعد في الفريق ما درى ... ام حسون وام جسوم وام صدو... لا لا تقول تطمن بعد ..... هذا غير الا برى البيت وسمعوا الصوت يلعلع .... شوفي ادا صكوا المدرسه وحبسوا المدير ما اليي شغل انا .



دخل ابو حمود فجاة عليهم الصاله ..... وسمع نص الكلام .



( ابو حمود ) : هــــــا .... ويش اسمع ... مو قلت اليي انتا ورفيقك من الصبح .... ان اليوم رايحين رحله ؟؟؟ اتاري فيك جداب ياللي ماتستحي على وجهك .... وصلت فيك تجدب عليي يا اسود الوجه .... وفي سالفه ثانيه وانا ما ادري فيها ... امشا قدامي ... امشا قدامي الحجرة ..... عندي حساب عسير وياك هناك .... امشا بسرعه .



( حمود ) : لا ابويي ... كـ كـ كـ كنا ... ر ر ر رايحـ ....



( ابو حمود ) : جـــــــــب ..... ولا كلمه وقدامي الحجرة بسرعه اشوف قدامي .



حمود يساسر روحه وهو ميت من الخوف : لا بالله رحنا وطي .... راحت علينا اليوم ...... استر علينا يا رب .

قعد يتمشى في الفريق .... ويحوم على بيت ابو عبود .... حزة ظهر وشبه شمس بدل ما يروح يصلي الادمي .... قاعد يترقب وينتظر ..... طلع ابو عبود من بيتهم رايح المسجد .



( ابوعبود ) : ها سلوم حبيبي ... ويش فيك واقف هني في شبه هالشمس ؟



( سلوم ) : ها ... لا ما فيني شي .. بس ضايعه من عندي ربيه قاعد ادورها ... بروح اشتري اليي اسكريم ...... حر قلت ابرد على روحي بهالاسكريمه شوي .



( ابو عبود ) : تعال تعال ..... خل هالربيه عنك تولي وخد من عندي وروح اشتري لك فيها ...... ترى ما بتحصل ربيتك في هالشارع والظهر .... وبعدين تعال ما بتروح تصلي انته لا ؟



( سلوم ) : انا كنت رايح المسجد .... بس قلت بشتري اليي اسكريم اكله على طريقي .... وضاعت ربيتي وقعدت ادورها .



( ابو عبود ) : انزين حصل خير .... خل ربيتك تولي الحين وتعال ويايي المسجد نصلي .... وبعد الصلاة اشتري اليك اسكريم .



( سلوم ) : هـــــا .... لا عمي مشكور ... ما يحتاج .... انته توكل على الله وروح المسجد .... انا بروح البيت بتمسح وبلحقك بعدين .... بس انته روح لا تتاخر على الجماعه .



( ابو عبود ) : على راحتك يا ولدي ..... يالله مع السلامة .



( سلوم ) : الله يسلمك عمي ... مشكور جزاك الله خير ..... " بينه وبين نفسه " : اشوة ... جان الحين رحت فيها ... انا ويش اليي اوقف هالحزة وانا ادري ان عمي بيطلع للصلاة .... صدق الهباله وما تسوي ..... لا مو الهباله قول الحب وما يسوي ..... اااااااه ..... خل اروح وارجع مرة فانيه ..... بعد ما بييئس اليوم " .



وتوه بيتحرك جان يسمع صوت ضحكة رقيقه خفيفه ... ولما التفت صوب الصوت .... لمح شي يتحرك وبسرعه اختفى ومشى عنه .

** في بيت ابو حمود **



( ابو حمود ) : انته ويش سالفتك ويه المدرسه ... ما تقول اليي ؟؟؟ الصبح تقول عندك رحله ورجعت من وقت ... وقايل الى امك عاطينكم اجازة لان استادكم مريض ... بتقول اليي الصدق لا هالعقال على ظهرك .... شوف انا لحد الحين متعامل وياك بالطيب ... فخل النفس عليك طيبه هااااااااااا .



( حمود ) : ابويي .. انا قلت الى امي وما قلت اليك لأن خايف بصراحه منك .... اخاف ما تصدقني ... قمت جدبت عليك ...... وقلت ان عندنا رحله ورجعنا من وقت .



( ابو حمود ) : لا ... صدق ؟؟؟؟ وتبيني اصدق يعني ان المدرسه عاطينك اجازة لان استادكم مريض ؟!! يعني ما يقدرون يجيبون ليكم غيره ؟؟؟ ولا ما في مواد فانيه تدرسونها غير هالمادة ؟ ... علشان يعطلونكم على حسابها ... دور غير هالكلام لاني مو مدمغ وما افتهم تقص عليي ابه .



( حمود ) : صدقني ابويي ...... هم الي قالوا الينا عندكم عطله ...... استادكم مريض وما يقدر يجي المدرسه .



( ابو حمود ) : انزين ويش اسم هاده استادكم المريض ؟



( حمود ) : ا .. ا ... اسمـ .... اسمه استاد خلف .



( ابو حمود ) : انزين يصير خير يا حمود ... انا بمشي اليك هالحجي ..... ومفل ما يقولون .... الحق العيار لباب الدار .... بس يا ويلك ان طلع الي تقوله جدب ... وهداني قلت اليك .

**********



سمع الصوت والتفت اليه بسرعه ... بس ما قدر ياخد ملامح الشخص .... لان كانت حركته سريعه واختفت اول ما طالعها .... بس كانه صوتها ... اي هاده هو صوتها ... وهادي ضحكتها انا متاكد ... هادي فطوم ما غيرها .



( سلوم ) : اخ بس لو شفتها .... هههههههههه حبيبتي والله .... منخشه ورى الباب قاعده تتصوخ كلامنا انا وعمي .... اه بس لو اقدر اتكلم وياها .... قهر بت عمي ولا اتكلم وياها كلمه .



مشى من صوب بيت ابو عبود .... الي هو بيت عمه .... الي كل يوم يروح يوقف جنبه بدون ما احد يشوفه .... يمكن يشوف حبيبه قلبه وبت عمه فطوم .... الي من هو وصغير يلعب وياها الى ما كبروا وافترق عمه في بيت بروحه عنهم ..... ومن ديك الايام لا يشوفها ولا يقدر يكلمها .... لانها خلاص صارت كبيرة .... وما يصير تقعد وياه او تكلمه ... بس وده يقول اليها بس كلمه وحدة ... " احبش " .... وده يقول اليها انه يحبها ... رغم انه يدري انها تدري بحبه لها بس مو متاكد انها تبادله نفس الشعور ... ظل يفكر فيها الين ما وصل بيتهم ... دخل تمسح وصلى .... لانه واجد تاخر عن الصلاة واخد حجة الربيه الي ضاعت منه بس علشان يوقف عند بيت عمه .



وفي جهة ثانيه " بيت ابو حمود "



( حمود ) : ان شاء الله ابويي .... انت بس هدي بالك شوي .... وما يصير الا الخير والا تآمر فيه .... انته ليش معصب .... ما صار يوم ما رحنا فيه المدرسه .



( ابو حمود ) : لا .... واجد اشوفك مستهين بالدراسه .... يا ابوك الدراسه مستقبلك .... وادا ما اهتميت فيها بتضيع ... والا تبي تضيع وتصير جاهل ولا تعرف شي في هالدنيا ؟؟؟



حمود في نفسه : لا رحنا وطي ادا عرف اني مفصول .... ها ويش بسوي ؟؟؟ ما توقعت موقفه بيصير جدي .... قلت بيضربني يوم يومين وبعدين عادي ... هاده عرف اني غايب يوم وسوى جدي .... ما اقول الا الله يستر من باجر ومن اليوم الي بيعرف فيه عن الفصل ... هئ هئ هئ هئ هئ هئ هئ هئ هئ .... بموت خوف بمووووووووت .



( ابو حمود ) : يالله قدامي يالله ...... ادن يالله المسجد قدامي ..... لو عاطينك اجازة عن الصلاة بعد .



( حمود ) : ان شاء الله ابويي ... بروح اتمسح واجيك الحين ... بس دقايق ابويي .



بعد الصلاة رجعوا البيت وتغدوا وعلى الغدى .....



( جلول ) : ابويي اليوم في المدرسه .... سويت محاضرة عن الاباء ... وتكلمت عنك ..... ومدحتك وافتخرت فيك ..... ويش قد المعلمه استانست مني ..... وحطت اليي علامه كامله .



( ابو حمود ) : بارك الله فيش يا بتي .... بس ويش قلتين عني ؟؟؟



( جلول ) : قلت عنك كل خير ..... ابويي انت تستاهل .... والله ما تقصر ويانا بشي ... كل شي توفره لينه .... وتشتغل وتتعب علشانه ..... ولازم احنا نشكرك ونحترمك ...... ونقدر كل التعب الي تتعبه والشغل الي تسويه علشانه ....... يعني الي قلته اليوم قليل بحقك ابويي قليل ..... وفوق هذا واجب .... يعني ما يحتاج تشكروني عليه .



( ابو حمود ) : يا بتي الي اسويه واجب على كل ابو يسويه لولاده .... علشان يعيشهم ويربيهم ..... واهم شي يكونون مرتاحين عنده وما ناقصهم شي .



( ام حمود ) : الله يخليك الينا ان شاءالله ولا يخلينه منك ..... انته منته مقصر بشي .... واحنا مرتاحين وما ناقصنه شي ..... ولا تحاتي .



حمود في نفسه : اي مو ناقصنه شي .... ما يشوفون الناس جيفه عايشه هديله .... تلفونات نقاله وسيارات وفياب ويش حلاوتهم ..... واحنا يا الله بالحسرة نحصل اللقمه ومكان ننام فيه ويه هالبيت الخرابه .... خلني ساكت احسن لان ادا تكلمت بشعلل حريقه مانه قدها في البيت .... وبعدين بطلع انا الغلطان .... وادا ما انطردت من هالخرابه بعد ...... ونمت في الشارع ...... خلني ساكت .



( جلول ) : حمود ويش فيك سرحان ؟؟؟؟ الي ماخد عقلك يتهنى فيه .... ههههههه تفكر في ويش اخويي ؟؟؟



( حمود ) : ها .... لا ما افكر في شي .... اقول الله يطول في عمرك ابويي ..... ويخليك الينا دخر ان شاء الله .



( ام حمود ) : اليوم طايح سوقي ..... ما في احد يعبرني شي .... ما يقولون اهني امنا اهني شمعه البيت .



( الكل ) : ههههههههههههههههههه



( ابو حمود ) : يعني انتون الحين ما تدرون ان امكم تغار مني ؟؟



( جلول ) : افا الحلو يغار من الحلو ...... ما يصير انتوا شموع البيت .... ولولاكم ما نسوى شي .... اماه لا تزعلين ولا اهمش .



( حمود ) : لا عاد اماه انتين شيخه البنات ..... ما بنقول شيخه العجايز ..... " يغمز اليها بعيونه " ..... توش شباب 18 .

***********



لبس ثوبه الجديدة الي مسويها للعيد قبل 3 سنوات ..... صدق قصيرة شويه ...... لكن ما عليه تفي بالغرض ... وهو يكلم نفسه : "ابان رزة وكشوخي " .... اخد عقال ابوه وغترته ..... وعلشان تكمل رزته وشياكته .... كوى الغترة ولبسها وطلع نعال الكيتو الجديد الي خاشه لعيد الفطر الجاي .



طلع من بيتهم وفي نيته يشوفها اليوم يشوفها ... من زمان ما سوى شي ... ما تحرك على شي ..... وفجأة !!!!!!!!!!!

وفجأة جه على باله شنو بيقول اذا راح وقابل عمه .... واه فشيله انا احب بنتك وابي اتزوجها ؟؟؟؟؟؟ اذا ما طردني من البيت وسبل فيني ومسحني بالارض ما اطلع سالم سلوم بقعه الزيت ..... لا لا امبي ادور اليي حجه غيرها ..... على الاقل امبي بس اشوفها .... ما امبي شي اكثر .



سلوم وهو طول الطريق الى بيت عمه .... قاعد يفكر جيفه يدخل بيت عمه ويقدر يكلم فطوم ؟؟؟ يدور على حجه يدور على صرفه .



" وفي بيت ابو حمود "



ام حمود وابو حمود قاعدين في الصاله الصغيرة بالبيت .



( ابو حمود ) : اقول ام حمود .... ويش قال اليش حمود ولدش اليوم بالضبط عن سالفه المدرسه والاجازة هذي ؟



( ام حمود ) : ما قال اليي شي غير عن الي قاله اليك .



( ابو حمود ) : وانتين ويش دراش ويش قال اليي .... علشان تقولين ما قال شي غير ؟



( ام حمود ) : ها ... لا هو لان الصراخ وصل الى تحت وكلامكم كامل سمعته .... من جدي عرفت ويش قال اليك .... اي .



( ابو حمود ) : ام حمود علينا هالحجي .... يعني الحين انتين تبين تقولين ان ما تصوختين من ورى الباب ؟؟؟ ولا سمعتين ويش صار بينا ؟



( ام حمود ) : اوه يا ابو حمود الحين عرفت وخلاص ... بتسويها قضيه اليي يعني .



( ابو حمود ) : لا ما بسويها قضيه ... بس امبيش تبطلين هالعاده الكريهه ... يا ام حمود انتين كبيرة ومرة وفاهمه ... وتعرفين ان التصوخ حرام وطبع شين .... ليش متمسكه فيه ؟
( ام حمود ) : انزين انزين خلاص ..... بنكنسل هالعاده ... فكنا والي يرحم والديك .... ترى راسي يعورني وما اليي خلق هواشك الحين .



( ابو حمود ) : اي من الدوارة من الصبح من بيت الى بيت .... قولي تتعب هالمرة ؟؟!! ما تشوفها الا حامله دفتها وتعسعس في هالبيوت .



( ام حمود ) : انته الظاهر اليوم فيك هواش وتمبي تصبه عليي .... اقوم عنك احسن اليي بواجد .



قامت عنه ام حمود وراحت حجرتها تنام .



( ابو حمود ) : تعالي .... يووووو زعلت .... تعالي وين رحتين ؟؟ الحين انا قلت شي ؟؟ ما قلت شي يزعل ...... بس دلاعه النسوان .



وفي مكان ثاني من بيت ابو حمود .... كان حمود قاعد في حجرته الصغيرة يفكر عند الدريشه ورايح فيها ..... دخلت عليه اخته جليله .... دقت الباب ونادته .... بس هو بعد رايح فيها وسرحان على اخر حد .... دخلت وصكت الباب وراها وراحت لعنده .



( جلول ) : حمود ... حمــود ... حمــــــود ووجع .



( حمود ) : هاااااااااا .... بسم الله الرحمن .... ويش فيش زهقتيني .... ويش تبين ... وبعدين ليش ما دقيتين الباب قبل ما تدخلين ؟



( جلول ) : لا اخويي اليوم مو طبيعي ... دقيت الباب وناديتك ساعتين ونص ... وانته مسهي وسرحان ما ترد عليي ... قلت ادخل اشوف ويش فيك .



( حمود ) : ما سمعتش تدقين الباب ... المهم ويش صاير .... ويش عندش جايه الى حجرتي .... اكيد تمبين شي مني والا انتين ما تجين لله .



************



" ويش ويش ويش ويش اقول ....... ويش اقول الى عمي ... ويش اقول ؟؟؟؟؟؟؟؟ " كان هذا حوار سلوم بقعه الزيت في نفسه طول الطريق ... متحير شنو الخطه الي بتوديه بيت عمه علشان يشوف بت عمه فطوم ..... كل الي يعرفه انه الحين في الشارع رايح الى بيت عمه بس شنو سببه للزيارة ما يدري .... طبعا السبب المزيف الي بيقنع عمه فيه مو السبب الحقيقي .... والسبب الحقيقي معروف ... رايح يشوفها وباي ثمن كان .
( سلوم ) : هييياااااا .... لقيتها .... حصلتها .... اي فاوند ات >> متعلمنها على اخر درس حضره في حصه الانجلينزي .... مسكين على نياته يلقط كلمات واشوة جت في محلها .



( سلوم ) : بروح بيت حمود وبقول اليه يجي ويايي .... بس تعال الحين هو اذا حصلني بيخبصني ضرب ... نسيت اني متهاوش وياه بالصبح ... ولا بعدين يخرب كشختي وما تشوفني فطوم بها >>> الله عاد والكشخه نعال كيتو وثوب جلحه .... لو طقم قميص وبنطلون ونكتاي شنو بيسوي ههههههههه الله يعينه .



( سلوم ) : خل افكر عدل اليوم لازم اشوفها لو شنو صار ..... لحظة مو كانه امي مسويه الينا كباب في البيت ؟؟ ليش ما اروح اجيب اليهم منه .... واقول اليهم ان امي تنغصت اليكم فيه ؟؟؟ والله فكرة ومنها حجه علشان اقعد وياهم وابسط ... ما بقولون شي وعادي .



راح شخط بيتهم ووصل عند امه في المطبخ .



( ام سلوم ) : ده انته ويش فيك اليوم .... مستجن ؟؟؟؟ جاي الينا كانك مصادف وتشاخط علينا ؟؟ ويش وراك يعني ما تمشي مفل الاوادم السنعين ؟؟؟؟ شوي وتخبط في الهريسه وعجينه الكباب .



( سلوم ) : اسف اماه بس ويش اسوي مستعجل واجد .... خلصتين من تسوي الكباب والهريس ؟



( ام سلوم ) : اي خلصت ما تشوفني ... بس قاعده اصفه في الصحون وتعال امبيك في شغله .



( سلوم ) : ويش هالشغله اماه ؟؟ انا بطلع الحين بمر على واحد من ربعي .



**********



( جلول ) : لا مو اول ما تقول اليي ليش هالايام كله سرحان وبس .



( حمود ) : لا ما فيني شي بس تعبان شوي .... خبرش المدرسه ما ترحم .... الواجبات في صوب والاختبارات في صوب ... وغير النشاطات والدروس المعقده ..... صراحه قمت احاتي انا اخاف ارسب هالسنه .



( جلول ) : لا حمود انته شاطر وما بترسب .... بس حط بالك على الدروس ... وراجع اول باول .... واذا ما فهمت شي تعال قول اليي اني بفهمك اياه .... واهم شي تتكل على الله في امورك .



( حمود ) : ونعم بالله ... ان شاءالله ابيض وجهكم هالسنه .



( جلول ) : الحين اقدر اطمن عليك واقول ما فيك شي .... خوفتني صراحه هالايام كله اشوفك سرحان قلت فيك هم وشايله في قلبك ..... اثاري تحاتي الدراسه .... وانا اختك لا تخاف من جد وجد ومن زرع حصد .



( حمود ) : تخافين عليي جلول ؟؟؟



( جلول ) : اي طبعا .... انته اخوي الصغير والوحيد بعد .... جيفه ما تمبيني اخاف عليك ؟؟؟؟ المهم خليتني انسى حق ويش جايه اليك اني .
( حمود ) : اي صح انا بعد نسيت ... ان شاءالله خير .... وما تمبين اروح اشتري اليش شي من البراده ؟



( جلول ) : ههههههههههههه .... ما قلت اليك انته شاطر ودكي .... ويش دراك ان امبيك تروح تشتري اليي .... ما يفهمها الا الشاطر والدكي .



( حمود ) : والله انا اخوش واعرفش زين .... ما تجين حجرتي وتصبغين فيني وحمود حمود الا اذا تبين شي ... وبما ان في ايدش فلوس اكيد تبيني اشتري اليش شي .



( جلول ) : اي عاد حمود انته الا تفهمني زين والله ..... امبيك تروح تشتري اليي فايل ازرق من البراده .



( حمود ) : انزين بروح بس جم تعطيني ؟



( جلول ) : بل بل بل بل ما اقدر عليك ...... مادي درجه اولى .... بعطيك ربيه زين ؟



( حمود ) : هو مو زين .... بس انا رحيم وكريم بقبلها ليش هالمرة بس .



طلع حمود يشتري الى اخته الي تمباه من البراده .



************



" وفي مكان ثاني الي هو بيت سلوم "



( ام سلوم ) : لا ما باخرك عن ربعك .... بس امبيك تودي الى بيت عمك صحن هريس وصحن كباب ... فشيله من زمان ما نودي اليهم شي ؟



انشق حلق سلوم من الفرحه .... الدنيا ما شالته لما قالت اليه امه الطلب ....... اشوة ان جات منها وما جت مني ..... على الاقل ما تنقلب عليي فضيحه واحراج .



( سلوم ) : افا بس افا .... انا الا اخلي ربعي يولون واخلي طوايف ربعي بعد .... كل شي والا الوالده ... وكل شي ولا فطوم .
( ام سلوم ) : ويش تقول ؟



( سلوم ) : هاااااا ..... لا لا لا لا اقول كل شي ولا بيت عمي ... صدق ذكرتيني فيهم من زمان ما نزورهم .... فيش الخير امي والله تذكرينهم بشي من تحت ايدش .



( ام سلوم ) : انزين هاك جود الصحون ولا يتكسرون ..... سمتهم عدل لا يطوحون من عندك في الشارع ..... وسلم عليهم كامل .



طلع سلوم من بيتهم وضبط كشخته المصونه وهو حامل الصحون بحماله .... اي بعد كل شي ولا بيت العم ..... بس يا فرحه ما تمت ..... والحظ الاعوج مهما صار بيظل اعوج .... وحلاوة وجه سلوم ما يحلى اليه الا الحظ الاعوج ...... اخ بس خسارة هالكشخه والتزقرت .... وخسارة كواي الغترة ولبس ثوب العيد .

( سالم ) : الو ..... ا.. ااا .. اوكي ... الحين جاي ... الحين .. الله يسلمك .



( ابو عبود ) : خير يا ولدي ويش صاير ؟



( سالم ) : لا ما في شي .... اطمن عمي ... بس هذا ابو حمود رفيقي مو ابوي ... يبغيني في شغله .



( عبود ) : وانا اقول ليش ما عرفت صوته ؟!



( سالم ) : يالله انا بمشي ... مع السلامة وسامحوني ما قعدت وياكم شي .



( ابو عبود ) : مسموح يا ولدي .... ومشكر على الزيارة الحليوة ... عيدها عاد ولا تقطعنا .



وبدخلت فطوم بت عمه وهي حامله ليهم القدوع والشربت .



( سلوم ) : لا ان شاء الله ما اقطع " وهو يغمز الى فطوم من تحت لا تحت " كل يوم انا عندكم بعد ويش تبون ؟



( عبود ) : لا عاد عطيناك وجه .. كل يوم بترز الينا وجهك البيت .... يقولون رزة الفيس من طبايع التيس .



الكل ضحك بس يا زعم سلوم زعل وتفشل قدام فطوم .
( سلوم ) : اوكي ما عليه يا التيس .... ما بجي ليكم مرة فانيه ... وهداني اقول اليك عمي ... ترى ولدك طردني قبل لا اجي ها .



( ابو عبود ) : لا يا سالم عبود يمزح وياك .... لا تاخد عليه كلام .



( سالم ) : ههههه ادري عمي انا بعد كنت امزح ... هاده عبود الخيشه ما ازعل منه ... يالله مع السلامة .



( فطوم ) : يو ولد عمي .... ما بتشرب شي من عندنا ؟؟ وما بتقدع ؟



هي كانت واقفه عند الباب بعيد عنهم شوي وسلوم كان ماشي لعندها خلاص بيطلع من البيت .



وهو طايف صوبها همس ليها بالخفيف " لا مستعجل بمشي.... ولو ان قلبي ما يطاوع اني اتحرك من بيتكم .... اوعدش اجي باقرب وقت .... مشتـــــــــــاق " .... ومشى عنها برى البيت .



هي من سمعت كلامه قام قلبها يرجف .... مي قادرة تشيل عمرها .... اتخزبقت البنيه .... حسبي الله عليك يا سلوم ويش سويت في بت عمك ؟؟؟؟ هو حب لو شنو اسميه .
( عبود ) : الاهبل حتى شربت ما شرب ... روحي قبل لا يمشي من عند الباب ودي ليه كلاص .



وهي من سمعت اخوها ما يحتاج طارت عليه خلت الصينيه على الارض وحملت الكلاص في ايديها ..... ولحقته على طول برى .



**********


( ابو حمود ) : انا لازم اشوف ويش سالفته .... وان سكت بطوف السالفه لعبه .... وانا ما بسكت لو ويش صار .... هو بس خله يجي .
( جلول ) : ابوي هدي بالك ما صار الا الخير .... يمكن الا قاله حمود صدق ... ليش مو مصدقنه ؟



( ام حمود ) : اي والله يا ابو حمود .... لا تظلم الولد .... كفايه تحقيق وياه من الصبح لحد الحين ..... بتخليه يهج من البيت .



( ابو حمود ) : انا اذا ما سويت جدي الولد بيضيع .... وانا امبي مصلحته .... عجل عاجبنكم قعدته في البيت .... والله العالم اذا كان صدق عندهم عطله لو يجدب .



( جلول ) : انزين ابويي ... مو انته قاعد وياه وسائلنه عن كل شي ؟؟ وحمود ما يجدب .... يمكن صدق ظروف المدرسه خلتهم يعطونهم اجازه .



( ابو حمود ) : المهم انا بشوف السالفه على طريقتي .... بس اياني واياكم يوصل خبر الى حمود بشي .... ما امبيه يشك او يدري اني بسوي شي او حاط السالفه في بالي .... لان ادا درى بيهرب من البيت على عملته ..... وادا كان كلامه صدق بتهتز ثقته فيني .... فامبي اتاكد من السالفه سكيتي فاهمين ؟
جلول و ام حمود ) : ان شاءالله ما بيوصل شي اليه .



***********



اشوة لحقته قبل لا يطلع من برى البيت وكان توه بيفتح الباب .



( فطوم ) : ســـــــالم .



التفت اليها وابتسامته طول باع على وجهه .



( سلوم ) : اي قلبي .... مين ينادي ؟؟؟؟ امري كلي لج .



نزلت راسها وهي تعطيه كلاص الشربت على توت بعد .



( فطوم ) : تسلم .... تفضل ما يصير تطلع من البيت يقول ليك عبود وانت ما اكلت شي .... على الاقل تشرب شربت .



سلوم بابتسامه مكر من تحت الا تحت ويطالعها بنص عيون .



( سلوم ) : يقول عبود ها ؟؟؟ اييييي...... وليش ما هو الي جابه اليي ... ليش طرشش انتين ؟
( فطوم ) : هـــا ... لا هو ....



قاطعها بكلامه .



( سلوم ) : فطوم .... تدرين اني احب... , أأ ... احب الشربت .... واجد حلوو تسلم ايدش بت عمي .



كان بيقول احبش بس دخل عبود عليهم مرة وحدة .... هو اتخزبق واشوة جاه ذكاء ونقذ عمره وقال احب الشربت .



( عبود ) : حشى هاده مو شربت هاده برياني لحم ... وصار ليك ساعه من طلعت ليك فطوم .... ولحد الحين ما شربته .



سلوم في قلبه : ويش هالوهقه .... ويش الي جابه هالحزة لينا .... ما ينجبح عن وجي خلني اقول الي في بالي .



ومن الخوف سلوم شرب الشربت مرة وحدة .... واخذ ايد عبود وحط فيها الكلاص بالقوة .



( سلوم ) : هاااااااااااااك يالمصفع ..... شربته ويش تبي بعد .... انته اليوم احد حادنك عليي ؟
( عبود ) : هههههههههه ... ويش فيك زعلت ... امزح وياك اشرب على راحتك .... وادا تبي خل فطوم تجي ليك كلاص ثاني .



هو كان وده بس مستعجل وما يقدر يتاخر اكثر .



( سلوم ) : لا انا مستعجل بمشي وبفكك مني ...... مع السلامة .



( فطوم ) : ويش فيك عليه ؟؟؟؟؟ مسكين زعلته الحين .



( عبود ) : ههههه ما عليش منه باجر بيرجع وبوزه مشقوق من الابتسامه ... هاده سلوم ما يزعل مني .



*********



وصل بيت ابو حمود وطق الجرس .... وقام ينتظر احد يفتح الباب ... علشان يشوف ويش يمبي منه ابو حمود متصل عليه عند بيت عمه ..... غريبه واكيد في سالفه جايده صايرة .



فتح الباب ابوحمود وسلموا على بعض ودخلوا المجلس يتكلمون .



( سلوم ) : ها عمي متصل عليي تقول تبيني في سالفه .... ويش صاير ........ حمود فيه شي محتاج شي ؟



( ابو حمود ) : لا يا ولدي .... بس قبل لا اتكلم امبيك توعدني ان الي بينا ما يوصل الى حمود .
( سلوم ) : ابشر عمي وعد .



( ابو حمود ) : انزين عجل اسمع ويش بقول اليك .... انا امبي اعرف ويش سالفه المدرسه والعطله وياكم .... ادري ان اليوم راجعين من وقت لان المدرسه رجعتكم على حساب استادكم ... وهاده الي عرفته من حمود .... مو على حساب الرحله الي شلختون عليي فيها اليوم الظهر .



( سلوم ) : اي صح مو على حساب الرحله ... وانا ما قلت جدي هاده حمود الي قص عليك .



( ابو حمود ) : ادري وانت ايدته بالكلام .... بس انا بيني وبينك مو مقتنع بالسبب الي قلتونه ..... يعني ويش يغيب استاد عندكم ويعطونكم اجازة شهر ؟



( سلوم ) : شفت عاد عمي ..... هادي مدارس اخر زمن .... يخرجون جيل فساد .



( ابو حمود ) : سلوم انا امبي اعرف ويش السالفه منك .... وبتقول ليي ليش غايبين اليوم وبتغيبون شهر بعد .



( سلوم ) : الله يهديك عمي ... الحين انا حالي حال ولدك .... هو ما قال اليك شي ؟؟؟ ما قال اليك ان المدرسه عندها مشاكل شوي ويه المدرسه ؟



( ابو حمود ) : يعني ويش هالمشاكل الي بتخليهم يعطينكم عطله شهر ؟



( سلوم ) : بقول اليك عمي بس لا تفضحنا ... واستر عليهم وعلينا زين ؟

( ابو حمود ) : انزين انته تكلم وانا اسمع .



( سلوم ) : عمي هاده في واحد من الاساتده .... متهاوش ويه مرته وقامت بطت عيونه وصار اعور.... والثاني متزوج على مرته وطردته مرته الاولانيه من البيت بعد ما طلق الجديده ... والمشرف عندنا كل يوم يغيب لان صاير على الناس شيخ دين ويقعد يقرا اليهم في المواتم والمساجد بالصبح ويخلي الدوام في المدرسه .... اما المدير يا عمي .... بلوته بلوة خل نستر عليه ما يجوز نفضح الاوادم .



( ابو حمود ) : يا ولدي شكلك بتعقد السالفه وما باخد منك شي .... تدري توكل على الله وتيسر بيتكم ومفل ما قلت ليك ما امبي حمود يدري انك جيتني البيت هني سامع ؟



( سلوم ) : ان شاء الله عمي ما بقول اليه .... مع السلامة .



بعد ما طلع سلوم من بيت ابو حمود ... ابو حمود راح الى ام حمود وبلغها ان باجر ضروري يروح يشوف السالفه من المدرسه بنفسه ..... ويكتشف هالسر بروحه... ويا ويل لو كان في شي صاير وحمود ما قاليي عليه ... يا ويله ما ينام في البيت دقيقه .[/size]

في الليل وسلوم قاعد في حجرته .... قاعد يفكر باللي صار اليوم في بيت عمه ..... " يعني تحبني ... لو ما تحبني جان ما جابت اليي الشربت .... ولا قامت تتصوخ كلامنا انا وعمي اليوم الظهر .... ولا تخزبقت يوم اني عرفت ان هي تصوخت علينا .... وبعد ما لحقتني بكلاص الشربت الى عند الباب ونادت عليي " كان هذ حوار سلوم بينه وبين نفسه .



( سلوم ) : ليش ما ادق على بيت عمي الحين ؟؟؟ يمكن هي تشيله واسمع صوتها ... والله فكرة وهم بعد ماعندهم كاشف رقم .



" رررررررررن رررررررررررررن ..... ررررررررررن ررررررررررررررن ... رررررررررررن رررررررررررررن ... ررررررررررررررررررن رررررررررررررررن .... ررررررررررررررن "
( سلوم ) : يه صوبه ناموا ؟؟؟؟ توها الساعه 12 خل اشو...



توه ما كمل كلامه جان تنرفع سماعه التلفون ومثل ما بغى وتمنى .... كانت فطوم الي شايله التلفون .... لان كانت رايحه تشرب ماي من المطبخ ومرت على التلفون وهو يرن ورفعته .



( فطوم ) : الوووو .... الووووو



********



( جليله ) : اخوي حمود حبيب قلبي .



( حمود ) : هاا ... ويش ورى هالتصبغ كله ؟



( جليله ) : افا .... يعني ما يصير ادلعك له ؟؟؟ ما يصير وانته اخويي الصغير الوحيد والا ما اليي غيره له ؟



( حمود ) : هو يصير ... بس انتين ما تسوينها الا اذا في شي تبغينه ..... يعني للمصلحه يا اختي العزيزة .



( جلول ) : لا صدق حمود ... بكلمك جد ... في شي صاير في المدرسه ؟؟؟ عندك مشكله عندك شي خاشنه علينا ؟



( حمود ) : مشكله ؟؟؟؟ ويش عفر سامعه من امي ؟



( جلول ) : لا ما سمعت شي .... بس انته كل تفكر وسرحان .... تخليني اشك ابك .... لازم صاير شي في المدرسه .... وانته قاعد تحاتي .



( حمود ) : لا صاير شي ولا تقعدين تفاولين علينا ..... وانا سرحان لان في اشياء في درس العلوم شاغله بالي .
( جلول ) : تباني اشرح ليك شي ... درس مو فاهمنه .... مساله ما تعرف تحلها ؟



( حمود ) : لا مو محتاج شي ..... اطمني .... واذا احتجت بقول ليش .



( جلول ) : انزين بنشوف ... مع ان قلبي يقول اليي ان في شي صاير .... وانته خاشنه علينا .... الله يستر بس .



*********



( فطوم ) : الوووووووو ... الوووووووووووو ..... انا لله ما تردون ... الوووووو .... الظاهر انتون ناس فاضيه .... ولا عندها شغل .... لكن الشرهه عليي الا رافعه السماعه هالحزة .... جان خليتكم تنقعون لما تنفقع مرارتكم ...... يالي ما تستحون .



( سلوم ) : اسف حبيبي .... بس مو مني من قلبي المشتاق .



وعلى طول سكر الخط ..... هو تشقق من الفرحه .... سمع صوتها .... وهي خلاص ما ليها حال وبقي شوي وتنفجر من الخجل والفرحه .



( فطوم ) : ههههههههههه الله يقطع سوالفك .... هي عمله تسويها فيني .... عليه حركات تقلع قلبي من مكانه .... بس ويش اسوي ... وهمست " احبه " .
طلع الصبح وتجهز ابو حمود لروحت المدرسه ..... والحمدلله ان الكل نايم ..... بما فيهم حمود وهذا اهم شي عند ابو حمود ..... لا يدري حمود بشي ... علشان لما يطلع احساسه في محله .... وان ورى هالغياب شي .... يقدر يعاقب حمود بالعقاب الي يمبيه .... بدون ما يشرد حمود .



لبس ثيابه وراح للمدرسه .... دخل على الاخصائي الاجتماعي .



( ابو حمود ) : السلام عليكم



( الاخصائي ) : وعليكم السلام والرحمه اخويي ... نعم بغيت اي خدمه ؟



( ابو حمود ) : لا ما في شوي اخويي ..... بس امبا استفسر عن شغله .



( الاخصائي ) : تفضل .



( ابو حمود ) : انا ابو الطالب محمد صالح جعفر .... في الصف الثالث متوسط .... امبي اعرف سبب هالاجازة الي عاطينها الى الطلاب ؟



( الاخصائي ) : نعم اخويي ... اي اجازة ؟؟؟؟ احنا ما نعطل الطلاب الا ايام الاجازات الرسميه .... العيد او بدايه محرم .



( ابو حمود ) : انا اسال عن الاجازة حق الصف ثالث متوسط .... ولدي عنده ورقه ويقول انها اجازة من عندكم لمدة شهر .... وان مدرسهم العلوم مريض وما يقدر يحضر المدرسه ..... من جدي انتون عطيتونهم اجازة لما يرجع الاستاد .
( الاخصائي ) : لحظة ويش قلت اسم ولدك ؟



( ابو حمود ) : اسمه محمد صالح جعفر .



( الاخصائي ) : اي ذكرته ... اخويي ولدك وللاسف مفصول عن المدرسه ..... وصار اليه يومين .... لانه متهاوش مع مدرس العلوم وباط ليه عيونه .... وهذا ممنوع في الوزارة .... وعقاب ليه قامت المدرسه وفصلته ... والورقه الي عنده ورقه فصل مو ورقه اجازة .



اصطكت الدنيا بوجه ابو حمود ولو على كيفه ... تنشق الارض وتبلعه .... اخ يالقهر .... مفصول من المدرسه هي كم يوم .... وهو قاعد يتلاعب على اعصابنا .... ويقول رحله واجازة وسلال يشيله طايح الحظ .



رجع ابو حمود البيت بسرعه وهو معصب وواصل حده .... سيده وصل البيت ودخل حجرة حمود وفتح الباب بالقوة ... وكان حمود نايم ومكيف على المنام ..... رفع عنه اللحاف وضربه كف على وجهه .



( ابو حمود ) : ايا اللي ما تستحي على وجهك .... يا عديم المروة والاخلاق ..... مفصول عن المدرسه من يومين وقاعد تجدب علينا ..... الشرهه مو عليك الشرهه عليي يوم اني ما عرفت اربيك .
وقام ضربه ضرب وفتر حرته .... وحمود قعد من نومه متخزبق مو عارف ويش الي صاير .... يصارخ ويتالم من الضرب .... بس نص كلام ابوه مو قادر يستوعبه من النوم .



*******



" في بيت سلوم "



سلوم اليوم متنشط وحيوي ..... قعد من الرقاد وتسبح ولبس ثيابه .... بس بما انهم في عطله هو ويه صديقه حمود .... قال بيمر عليه بيتهم .... لانه من زمان ما يروح يقعد وياه ويسولفون .... ومرة وحدة يقول اليه عن السوالف الي صارت ليه في بيت عمه .... ويوم يتصل بيت عمه امس الليله وتشيل التلفون فطوم ويسمع صوتها .... خبركم عاشق ويمبي يفضفض وما عنده غير رفيقه حمود .... وهو الي يدري بكل سوالفه .



( سلوم ) : ويه .... الحين جهزت ويش حلاوتي اليوم .... قاعد من وقت ولابس .... خل اروح حق جماع القواطي حمود .... واقعده من رقاده الدب واسولف وياه ..... من زمان ما سولفنا وقعدنا ... ويالله هو في كل الاحوال منطبن ومعطل حاله حالي .
*********



( ابو حمود ) : اقعد كلمني يالي ما تستحي على وجهك ..... تقول اليي من كم يوم معطلينكم لان استادكم غايب ها ؟؟؟؟ وانا اليوم رايح المدرسه والمشرف مالكم يقول انته مفصول ومتهاوش ويه الاستاد وضاربنه .... هادي اخر تربيتي فيك يالي ما تستحي ..... اقعد كلمني .



وحمود عاطي طناش ابوه ومتلحف باللحاف ولا كانه يسمع شي .... ومن زود حرة ابو حمود وقهره ..... قام رفع اللحاف من عليه وضربه باقوى ما عنده من قوة ..... ويوم شاف بعده نايم ما قعد ... وما يفيد وياه ضرب الايد ...... راح جاب اليه الخيزران من الحجرة .... وقام يضرب فيه لما قعده وصحصحه من النوم والرقاد الي هو فيه ...... وعاد حمود من الضرب وحرارته ..... جته حاله هستيريه ..... نقز من على السرير ودفع ابوه بالقوة لما طيحه على الارض .



( حمود ) : هييييييييييييييييييييييييي .... انته ويش فيك عليي اليوم ..... عفر خرفت وانا ما ادري .... ويش فيك قاعد تضربني .... شوف عاد ما اسمح ليك تمد ايدك عليي ..... يالشايب يالعايب شايف روحك ويش ..... انا رجال ولازم ما تمد ايدك مرة فانيه فاهم .
ترك ابوه مرمي على الارض بدهشته وطلع برى البيت .... ولما فتح الباب لقى سلوم واقف وتوه بدق الجرس .



( سلوم ) : بسم الله الرحمن الرحيم .... بسمك يا عظيم ..... ويش هالحاله ؟؟؟؟ من وين طالع انته ... يا دافع البلا ..... توك قاعد من الرقاد حتى ثيابك ما بدلتهم ووجهك ما غسلته .... ههههههههههه اشوة ما نســـــ .....



ما كمل كلامه الا وحمود ثار عليه معصب وواصل حده .



( حمود ) : اوووووووووووووووووه انته بعد .... مو ناقصنك ... ويش الي جابك هني من الصبح ؟؟؟؟ شوف اذا جاي تتمصخر وتمشي .... مو فاضي ليك اليوم كلش هاااااا .



( سلوم ) : هدي هدي هدي .... شوي شوي علينا ..... يا دافع البلا معصب من الصبح .
( حمود ) : اوووه وبعدين انته وياك .... ما بتخلصنا وتقول ويش تمبي جاي اليي الحين ؟



( سلوم ) : تعال شوي ويايي ... يمبي اليك تروق شوي وتصحصح علشانم اتفاهم وياك .



ودخلوا بيت ابوحمود علشان يغسل حمود وجهه ويهدي باله واعصابه شوي .... وبعد ما غسل وجهه وروق .... راحوا دخلوا الصاله علشان يقعدون ويسولفون .... ويفرفش حمود من التعصيب الي هو فيه ..... وتوهم داخلين الا !!!!!!!!!

وتوهم داخلين على باب الصاله الا ابو حمود في وجههم .



( ابو حمود ) : اطلع بره .... اطلع برررررررررره .... اطلع بره بيتي بسرعه ما امبي اشوف رقعه وجهك يا قليل الحيا .... متبري منك الى يوم القيامه .... لا انته ولدي ولا انا ابوك ..... اطلع بره انته ورفيقك هذا .... اطلعوا بره ..... اطلعوا بره .... بره ..... بره ..... بره .



وطاح ابو حمود مغمى عليه على الارض .... صرخ حمود وهو يركض ناحيه ابوه ... وهو يحاول يقعده ويصحيه .... ما فيه فايده .



حمود وهو ميت صياح ومو عارف جيفه يتصرف : سلوم كله مني ..... مني انا الي عصبته وضربته ..... مني انا .... مني انا ..... ربي ما بيسامحني على الي سويته .... واذا صار في ابويي شي ما بسامح نفسي كلش .
( سلوم ) : حمود هدي بالك الحين .... وقوم ناد على امك لو احد من عايلتكم .... تصرف قبل لا ابوك يروح فيها ..... والا تدري ويش ..... روح جيب اليي كلاص ماي بارد بسرعه وغرشه عطر .



راح حمود يركض بسرعه المطبخ ... وجاب الكلاص ورد راح يركض حجرته جاب العطر ..... قاموا يحاولون يرشون على ابو حمود الماي البارد ويشربونه .... لكن عبس ما في جواب .... يشممونه العطر .... بعد لا حياه لمن تنادي .... ووجهه صاير اصفر مثل الكركم ..... ومن شاف حمود ابوه على هالحال .... زاد صياحه وقام يضرب في روحه .... ومن زود ارتفاع الصوت .... قعد امه من النوم ونزلت تشوف ويش
صاير .... سلوم قام طلع برى البيت ... لان شاف ام حمود ما عليها شي يستر وجهها وشعرها ... ولا اليها حواس بالي حولها .



( ام حمود ) : حمود .... ويش صاير ...... ويش فيه ابوك .... ليش طايح على الارض ..... ويش فيه ..... تكلم بسرعه .... حمود ..... حمووووود .



حمود بصياحه ونياحه وهو يرقع في روحه بالجدار : ويش تبيني اقول اليش .... ويش .... عصبته وخليته ينقهر مني ويزعل .... وبعدين طاح مغمى عليه .



( ام حمود ) : انزين قوم اتصل على خالك قووم .... اتصل على عمك اي احد .... لو بتم تطالع فيه الين يروح منا .



وحمود من يسمع كلمه ( لايروح منا ابوك ) يزيد صياحه ويزيد ندمه على الي سواه .



قام حمود على طول ودق على عمه ابو كاظم .... ولما جه عمه ودوا ابو حمود المستشفى .... وطلع ان فيه جلطه في المخ .... نتيجه صدمه عصبيه وانهيار شديد .... ما قدر يتحملها فطاح على الارض .



مرت الايام وابو حمود مرقد ... وحمود ما يطب بيتهم بعد الي سواه في ابوه .... كان يشعر بالذنب ويستحي من الي سواه .... يدخل بيتهم بنص الليل علشان ما يقابل احد .... لا امه ولا اخته .... يركب غرفته وياخذ الي يمبيه ويطلع قبل لا احد يشوفه ... وكان على طول يروح المستشفى يسال عن ابوه ويتابع حالته بس بدون علم احد ... وبدون ما احد يشوفه من بيتهم .
" وبعد شهر من الي صار " .



حمود عند الطبيب كالعاده يسال عن حاله ابوه : طمني دكتور ... ويش الحين حالته ما اشوف في تحسن .



( الطبيب ) : والله ما ادري ويش اقول ليك .... ابوك حالته صعبه ... وهو متعرض لازمه عصبيه وانفعال شديد ... وهاده ماثر عليه بدرجه كبيرة ..... وهو الي سبب اليه الجلطه في المخ ... واثار هالجلطه ومضاعفاتها كبيرة وخطيرة ... وانا بقول ليك اياها لانك ولده العود ..... وانا فعلا محتاج اشرح الوضع الى احد .... بس مستحيل يكون احد من النسوان لان ما بيتحملون الكلام .



( حمود ) : تفضل دكتور تكلم .



( الطبيب ) : اسمع يا محمد .... ابوك عنده جلطه ... وهادي ممكن تسبب اليه شلل دائم خصوصا انها في المخ .... هاده اذا ما توفى بعد اسبوع لان الوضع صعب كلش ... وفي حالات الجلطه تطلع النتايج بعد اربعين يوم ..... وهو ما قاعد يتجاوب مع العلاج ابدا .... وانت قد ما تقدر ادعي ليه يقوم بالسلامة .
اصطكت الدنيا بحمود واسودت ..... ابويي يمووت لالا مستحيل ... والسبب انا ..... مني انا .



راح الدكتور في طريقه وبقى حمود مسبه وحواسه مو وياه كلش .... ابوه يموت بعد ما تعب عليه ورباه وعطاه الامان والسمعه الطيبه .... يموت بعد ما اكتشف انه خذله وفصلوه من دراسته ... يموت بعد ما ولده وحيده يعلي صوته عليه .... ويضربه ويهينه .... يموت ويخليه ويخلي اخته وامه بروحهم .






************






كان قاعد في حجرته مستمل وطفشان ..... وتفكيره مشوش .... الحين حمود ويش يسوي ... ويش اخبار ابوه بعد طيحته اخر مرة .... ادق عليه اطمن ؟؟؟؟ اووف اخاف ادق والوقت مو مناسب ..... و ويش اخبار فطوم بعد جبدي ..... من امس يوم اتصل بيتهم واسمع صوتها ..... ليش ما اروح بيت عمي واشوفها واقعد شوي ؟؟؟ فكرة خل اقوم ابدل واتكشخ .
وفجأة .... دق جرس باب بيتهم .



( ام سلوم ) : سلوم .... سلووووووم .... سلوم وصمخ .



( سلوم ) : هاااااااااااا .... ويش صاير فلقتين الباب ... اسمع انا هاده ويشوا انتين .



( ام سلوم ) : اكو رفيقك محمد تحت .... يقول يمبيك تنزل اليه الحين ضروري .



( سلوم ) : حموووووود !!!!!! ويش جيبه ؟؟؟؟؟؟؟ اكيد صاير فيه شي ..... لالا صار في ابوه شي ..... لالا ..... اووووووه انا الحين ليش ما اروح وافهم منه السالفه .



طلع سلوم يركض من حجرته الى باب البيت ..... وفتح الباب ودخل حمود ..... بعد ما شافه ميت صياح ومو قادر يشيل عمره من التعب .



( سلوم ) : حمود حبيبي ويش فيك .... تعال اقلط ادخل البيت .... حياك تفضل .



( حمود ) : سالم ..... ابوي يا سالم ..... ابويي بيموووت ... والسبب انا ... انا السبب يا سالم ... كسرت ثقته فيني ... وضربته على اخر عمره وهنته .... وفوق هذا هو وفر لي كل شي ..... كان ابويي احسن رجال ... يتعب ويشقى علشانا .... ويفتخر لين سوينا ليه شي زين .



( سلوم ) : حمود حبيبي هدي انته شوي ..... وان شاءالله ما بيصير الا الخير .... وعمي بيقوم بالسلامة ... والله اعلم بالغيب وهو يدري متى بنموت ..... ولا تقعد تعذب نفسك اكثر من جديها .
( حمود ) : اقول ليك بيمووت .... انا اروح اطمن عليه كل يوم من الصبح الى العصر وارد ارجع اليه نص الليل .... واسال عنه الطبيب .... بس كنت شاك بشي .... ويوم طلبت من الدكتور يصارحني .... قالي انه بيموت بعد اسبوع .... واذا ما مات بيصير مشلول دائم ..... لان الجلطه الي حاشته خطيرة وهو ما قاعد يستجيب للعلاج .



( سلوم ) : وانته صدقته ..... شوف والله محد يعرف متى نموت غير رب العالمين .... وادا قدر الدكتور يلعب بمخك هاده لانك غبي .... ان شاءالله عمي بقوم بالسلامة وبيرجع مفل اول واحسن بعد .



( حمود ) : الله يسمع منك ..... الله يسمع منك ... ووقتها بروح ليه وبرتمي في حضنه .... وما بتباعد الا ادا سامحني ..... وبريحه في البيت وبشتغل وبكرف ..... علشان يرضى عني ربي ويرضون عني ابوي وامي ....... ويفتخرون ابي ان عندهم ولد يقدر يشيل المسؤوليه .



( سلوم ) : انزين انته الحين قوم غسل وجهك وبسك صياح ..... ما تشوف روحك جيفه صاير ..... ضعفت وصرت اصفر .
( حمود ) : بعد ابويي طايح في المستشفى بين الحيا والموت .... وتمبيني اضحك وافرفش ؟؟؟؟؟ والا تمبيني اعرف انام ؟؟؟ وهذا انا السبب في طيحته .... انا ولده وحيده ... ولده سنده .... ( وزاد في الصياح ) .



( سلوم ) : يا ولد الحلال .... خفف عن روحك شوي .... ارحم روحك ..... ابوك ان شاءالله بقوم بالسلامة ... وبيرجع بيتكم احسن من اول .... قوم غسل وجهك عندي ليك مفاجاة .



( حمود ) : مفاجاة ويش ؟



( سلوم ) : انته قوم وانا براويك ويش هي ..... وبعدين جيفه تصير مفاجاة ادا عرفتها الحين ؟



قام حمود وغسل وجهه وهدي شوي من الصياح وراح ويه سلوم .

جود سلوم ايد حمود وسحبه وراه وطلعوا برى البيت .



( حمود ) : سلوم ووجع .... وين بتوديني ؟



( سلوم ) : بنروح البحر الي صوب البيت .... لا تخاف ما بنتباعد بعيد ..... شوف الدنيا يا اخي .... وخفف عن روحك وبسك هموم .... وعمي ان شاء الله بقوم بخير بس انت الي مكبر السالفه .



( حمود ) : الله يسمع منك .... وان شاء الله ابويي يقوم احسن من اول .... والاهم انه يرضى يسامحني على الي سويته فيه .



( سلوم ) : شوف محمد .... ما في ابوي يزعل من ولده .... وما في ابوه يرضى لولده غضب رب العالمين .... ومثل ما تعرف رضى الله سبحانه من رضى الوالدين .... ولما ابوك يزعل عليك يدري ان الله بعد بيغضب منك ..... وما بيطاوعه قلبه على هالشي .
( حمود ) : ابويي حنون ويحبني ... وما صاده الي صاده الا لما خيبت ظنه ..... وهو كان يتوقع مني الاحسن .



( سلوم ) : بس انت عرفت خطاك وندمان عليه .... ولما يطلع ابوك من المستشفى .... تروح وتتسامح منه ..... وما تعيد نفس الغلط بحياتك مرة ثانية.



( حمود ) : لالالا شنو اعيد نفس الخطا .... مستحيل .... انا غلطت وندمت وتاسفت .... ومستحيل ارجع لنفس الخطا .... وان شاء الله راح تشوفون محمد ثاني .



( سلوم ) : اي جدي ويش حلاوتك ... مو من ساعه مكشر والدموع اربع اربع .... ما يناخد منك لا حق ولا باطل .



( حمود ) : لا تلومني يا سالم .... الي في ظرفي يسوي اخس .... بس هذا انا متماسك شوي .... وما تشوف مني الا الدموع .



( سلوم ) : اي شوي الله يهديك ...... من اشوفك دمعه وسنسون ..... وحالتك حاله معفوسه .... بس من اليوم ورايح خل صدرك وسيع ... وحاول تهدي روحك وتتصرف صح .
( حمود ) : ما قلت ليك خلاص .... بتشوف محمد ثاني بحياتك .



( سلوم ) : ههههههه اي عاد مو تنقلب لينا اكشر نفس استاد ابو خنفر ...... خلك خرخوش شوي .... مو حليوة عليك الجّديه كلش .... أأأأأأأأأه شم الهوى بس ويش حلاوته ... وشوف البحر شلون جبار ..... ارمي كل همومك عليه وبعد ما يمل منك .



( حمود ) : لا والله ... انته جايبني هني قاعد تتغزل في البحر والا ويش يعني ؟؟؟؟ والله وصاير رومنسي بقعه الزيت .



( سلوم ) : هههههههههههه رومنسي ...... حلوة رومنسي ........ رومنــ ههههههههه ..... رومـــــ ههههههههه .



( حمود ) : ويش فيك ؟؟؟؟ الا اتدحنت علينا في الارض ..... قوم لا تفضحنا قوم ..... احنا مو في بيتكم ..... احنا في الشارع ..... يه عفر استخف الولد !



( سلوم ) : هههههههه لا ما استخفيت .... بس عجبتني الكلمه .... انا اصير رومنسي .... طالع وشرتي وبتعرف .... انته قاعد تطنز والا ويش ؟
( حمود ) : هههههه ويش فيها وشرتك ... كشه موديل 2006 .... وبجامه نوم ولا احلى ... هههههه و .. هههههههه ونعال نص الرجول طالعه منه .



( سلوم ) : يالله عاد لا تقعد تطنز .... ما تشوف عمرك .... اجلح وتلوع الجبد .... على الاقل انا فييّ وسامه مو انته .



( حمود ) : انزين يالوسيم ههههههههه ...... ما تمبي تمشي الحين والا ويش ؟



( سلوم ) : الاويش بتمشي .... انته طالع البحر والشمس .... والله فن ووناسه ... نفه عن روحك شوي .... كله يمبي يحكر روحه ويحبسها وبس .



( حمود ) : ما اقول ليك صاير رومنسي ... ويش سالفتك اليوم انته ؟؟؟ اعترف لو بعرف بطريقتي الخاصه .... وعاد ديك الساعه يا ويلك مني .



( سلوم ) : لا لا يا اخي .... لا تسوي سالفه ولا يا ويلي منك .... انا بقول اليك وامري الى الله .... انا اصلا كنت بقول اليك .... بس قلت انته ما ليك خلق تسمع ... والوقت مو مناسب .
( حمود ) : وهدانا اقول اليك تكلم .



( سلوم ) : انزين ... من وين ابدي ليك ... من وينه .... احبها حمـــــــود احبها .... ماادري اذا شفتها ويش يصير فيي ... قلبي يرتجف ... واتسودن محلي .... وارتبك ومااعرف اتصرف ... واكتشفت من كم اسبوع انها تبادلني نفس الشعور .... دقيت على بيت عمي الساعه 12 وما في احد رفع السماعه ..... لكن باخير لحظة رفعتها هي ... وسمعت صوتها ..... ما تدري اي فرحه حسيت ابها .... واي احساس وقتها كان فيي .... ما شفت روحي الا اقول اليها .... مو مني يا حبيبتي من قلبي المشتاق .... وهي تسب وتلعن في الي متصل هالحزة ..... هههههههههههه وعلى طول سكرت من عندها الخط .
( حمود ) : هههههههههههههههه والله انك ما تستحي على وجهك ... واليه عين بعد يقول اليي .... هييييييييي قاعد تغازل بت عمك نص الليل ومستانس على عمرك ؟؟؟؟؟ جليل الحيا .... ما تقول هي بت عمي ولازم اخاف على عرضها .... قلنا تحبها عاد .... بس مو لدرجه تدق اليها نص الليل يالي ما تستحي ..... وتغازلها .



( سلوم ) : شوي شوي عليي ... بعد ويش اسوي اشتاق اليها ..... احبها ما تفهمني احبها ...... وما اقدر اصبر وما اسمع صوتها ..... صرت اذا اروح بيتهم اتمنى ما اطلع منه ..... وعيوني ما تنشال عنها ..... وانا اشوف نظرات شوقها ليي ما تقل عن شوقي ليها ... مو حرام ..... نحب بعض وما نقدر نواجه هالحب مع بعضنا ولا مع اهلنا .



( حمود ) : لا مو حرام .... انته بعدك صغير .... وما بايدك شي تسويه غير انك تلزم حدودك ويه البنيه وتصبر ..... اصبر لين تكبر وتحمل مسؤوليه بيت .... تخلص دراسه وتشتغل .... وبعدين فكر تتزوجها .... وما اعتقد عمك بيرفض ولا ابوك .



( سلوم ) : هو فعلا لازم اكون نفسي .... ولازم اصير بمستوى يرضيها ويناسبها .... ما امبي اكون عاله على احد .... بس ما فيي صبر .... اخاف تضيع مني حمود اخاف تضيع مني .

حمود ) : انزين ليش ما تكلم ابوك يحجزها لك من عمك .... ولما تكمل دراسه وتامن شغل ..... تملجون والعرس على سعتكم .



( سلوم ) : ههههههههههههههههههههههههه حمود لا تخليني اصدق روحي الحين .... والله بطير من الفرحه ..... لحظة لحظة .



( حمود ) : ههههه الاهبل ..... ويش بتسوي ؟



( سلوم ) : اسكت وتعرف كل شي .



قعد حمود يطالع سلوم ويش بيسوي ..... وهم صوب البحر ووقت الغروب .... والهوى يهبل على الكيف ..... يعني شاعريه درجه اولى .... طلع سلوم من مخباه تلفون نقال ..... وقام يطق على حباته وهو شاق الحلق ..... وشوي ويطير من الاناسه .



( حمود ) : طالــــــــــع ..... من وين ليك النقال ؟



( سلوم ) : استعرته من ابويي اليوم بس ..... و يا ويلي اذا درى .



( حمود ) : ههههههه حلوة استعرته هادي ..... قول بقته علينا يا بقعه الزيت ؟
( سلوم ) : لا عيب ..... احتراما للوالد ما ينقال عن البوقه بوقه ..... ينقال ليها استعارة مكنيه في محل جر بالنعال .... ورفع من الادون .... ونصب في البيت .



( حمود ) : هههههههههااااااااي .... حلوة .... يعني عارف لو صادك ابوك راحت عليك .



( سلوم ) : اي اكيد عارف ... بس شغلتي تستحق المغامرة ...... اووووووف ما يرفعون التلفون .



( حمود ) : وويش هالمغامرة ؟؟؟؟ ومن هدولا الي ما يرفعون التلفون ؟



( سلوم ) : بقول ليك .... بس مو تعصب .... ترى البيت قريب اروح واخليك بروحك تولي .



( حمود ) : والله ؟؟؟؟ ويش حلاوتك وانته تهدد .... قول بسرعه لا رميتك في البحر الحين .



( سلوم ) : رمني اشوف ..... سوها جان فيك خير .



راح حمود يسوي روحه بيمشي ومطنش سلوم .... ومرة وحدة كان سلوم غافل في التلفون ..... و يجي اليه من ورى ظهره ويدفعه في البحر .
( حمود ) : هههههههههههههههههههههههههههههه هالمرة تحداني بعد ..... واشوة ان تلفون ابوك ما صار في الماي ... جان رحت فيها .



سلوم جاته برديه ومو قادر يتكلم : حم حمو حمووووووود يالكري يالكريه ...... طال طاااال طاااالع وي ويي ويييش سوييييييت ...... لك لكن خلن خلنييي اقققوووووووم الي الييي اليك ..... ان مااااا راوي راويتك شغل شغلك .



حمود وهو يرفع التلفون ويشوف اخر رقم كان يدق عليه سلوم شنو : ههههههههههههههههه خلك تتجمد في البحر ... واشوف مرة ثانيه تناقر منهووو .... عاد انا الا بسكت اليك ..... طالع ولا كاني اتكلم .... ولا كاني قلت ليك خل البنيه في حالها ..... وبسك حركات هبله .



سلوم وهو يقوم من الماي وهو يرتجف : تتتتتتتعـــــال خللللل اصييييييييييدك .... جييييب التتتتلفووووون ..... ماااااا الييييييككك دددخل .



حمود رمى التلفون على الكرسي بالعدال وراح يركض بيتهم ..... وسلوم اخد التلفون ..... وراح وراه يصيده .... ولما وصل حمود عند بيت سلوم وقف فجاه ..... ووصل اليه سلوم وهو الثاني وقف متصنم محله ..... ههههههههههه ..... واااا فشيلتااه ..... ويش هالموقف المحرج .

كانوا بيت عم سالم ( بيت ابو عبود ) جايين ليهم زيارة ..... وكانت فطوم وياهم .... وسلوم بالاستقبال ..... ههههههه منظر لا يحسد عليه ..... الكشه والحاله مغرقه ماي .... ويرتجف مو قادر من البرد ولا قادر يستوعب الموقف ..... الدم وقف عند راسه من الفشيله .... حبيبته تشوفه في هالمنظر ..... خل ينحاش احسن ليه .



( ابو عبود ) : ههههه ها سالم ... من وينه جاي ؟؟؟؟؟ وليش مغرق ماي ؟



سالم وهو يطالع حمود الي توه بينسحب عنهم : لااااا عمممميييي .... ببسسس كككناااااا في البببحررررر ..... وووو بالللغللط طحتتتت فييي الماااي .



( عبود ) : هههههههههههههه والله شكلك ...... رهيييييييييييب .... يجننن .



سلوم وهو ميت قهر على حمود وفشيله من بيت عمه وخصوصا فطوم : عبووود ششغلللك بببعدديييين ممووو اللحيييين ...... تتتتفضللللوا حييياكم البيييييت بيييتكممم .
حمود انسحب عنهم .... ودخلوا بيت ابو عبود ويه سالم بيتهم .... وسلوم بعده يرتجف من البرد ....... لان الجو كان هوى .



( ابو عبود ) : ها سالم يا ولدي .... ما في احد في بيتكم ؟



( عبود ) : اي ابويي ... البيت صخه ... ما فيه حس ولا لوده .



( ام عبود ) : ووينه امك عجل ؟؟؟ ما اشوفها في البيت ... هي ما تطلع هالحزة .



( فطوم ) : شويه شويه عليه عاد .... ما تشوفونه ميت برد .... ههههههه خله يروح يبدل ثيابه ويسخن شوي .... علشان يعرف يجاوبكم على اسئلتكم .



وسلوم في حاله يرثى ليها .... الاشفه رزقه ... والجسم يرجف .... والثياب مبلله .... وداخله ميت قهر على حمود .



( سلوم ) : ااخخددووااا رراحتتكم في اللببيتت ... اللببييتت بييتتككمم .... انااا برروووح اشششووف اددداا فييي ااححد في البيييت وبنناااديه لييكم .... علللى مااا ارروحح ابدددل فييااابي واججييكمم ..... سسااامحححووننااا عااااد .
( عبود ) : هههههههههههههههههههههه ....... انته حاطينك على الهزاز والا ويش يعني ؟؟؟ قلنا جايتنك برديه .... تهز كلامكم الاويش ؟؟؟ هزيتنا وياك من اول حرف قلته الى اخر حرف .... ويا ليت فهمنا منك شي .



( فطوم ) : ههههههههههههههه .... يقول ليك خدوا راحتكم .... البيت بيتكم بيروح ينادي ادا في احد في بيتهم يجي يقعد ويانه ... على ما يبدل فيابه ويرجع .



( عبود ) : لا صدق والله ؟؟؟؟ توني ادري .... سويتيني عاد كلش ... ما فهمت الي قاله ... ما يصير نمزح يعني .... هالوجه .



( ابو عبود ) : يا ولد .... بسك طولت لسان على اختك ... هي ما قالت شي .



( سلوم ) : هي انته عبود وجه القوطي ... لا تغلط على بت عمي لا جيت سويتك هزاز اخس مني .



( فطوم ) : تسلم سالم ما تقصر والله ... بس ماعليك منه .... انته روح بدل ثيابك لا تمرض .... الجو بارد .
كانت قاعده جمب باب حجرته في الصاله ... وهو داخل الى حجرته يبدل ثيابه طاف عليها وهمس : خايفه عليي ... من قدي .... اي .. كل شي ولا الغالين يغلطون عليهم .



************



وقف عند باب بيتهم .... يطالعه بس ما ليه قلب يدخل .... مع انه المفروض عليه يشوف امه واخته ويش يبون بعد غياب ابوه .... ويكون رجال البيت .... وخصوصا ان هو ولد ابوه الوحيد .



( حمود ) : انا ما بدخل البيت الا بالليل ... ما اليي وجه اقابل امي وجلول ..... الي سويته كبير .... واكيد هم شايلين عليي بقلبهم ... وزعلانين مني ..... خلني اروح اشوف ابووي الحين .... وارجع الساعه 2 الليل بدون ما يحسون عليي .



*************



( جلول ) : اماه ... متى بتروحين الى ابويي المستشفى اليوم ؟؟؟ امبي اروح اشوفه .... ما يصير من ترقد الي الحين ما خليتوني ادخل عليه .... حرام عليكم هاده ابويي مهما كان ..... ومن حقي اشوفه
واطمن عليه ..... وحمود من يومها ما شفناه ... ولا ندري عنه خبر .... يا ربي ويش صاير بالدنيا .... ويش صاير .... اماه قولي اليي هاده امتحان من ربي العالمين ؟؟؟؟ هاده بلاء الله يبي يشوف اي قد نصبر واي قد نتحمل ؟



وقامت تصيح وتصيح وامها تحاول تهديها .



( ام حمود ) : يا بتي لازم نصبر ونتحمل ..... وكل شي من الله قدر ومكتوب .... وما يصير نكون جاحدين بنعمه ربنا ..... ونعترض على حكمته ..... دكري ربش يا بتي .... واحمديه على كل حال .



( جلول ) : الحمدلله ربي العالمين .... استغفر الله .... استغفر الله ..... بس اليوم ضروري ادخل على ابويي واطمن عليه .... حتى لو منعتوني ..... وما في احد يقدر يمنعني من ابويي .



( ام حمود ) : اهدي يا بتي ... وما يصير الا الخير ... انتين اهدي بس .



***********



دخل حجرته يبدل ثيابه وهو يتحلطم على حمود .
( سلوم ) : عسااه ريح ..... الي ما يستحي ... ما دور الا اليوم يغرقني .... اليوم الي بجون فيه بيت عمي .... زين جدي اتفشل قدامهم ... لكن ما عليه ... ان حصلته الا ارجع اليه العضه والبهدله هادي .... واشوة ان ما سوى شوي في التلفون ..... والا جان تورط ورحت فيها ويه ابويي .... وزين ان محد التفت اليه من بيت عمي .... خلني ارجعه مكانه قبل لا..........



ما كمل كلامه وطب عليه ابوي في حجرته .... وشافه توه بيطلع منها وهو حامل التلفون بيده .



( سلوم ) : هــــــــــــــا ..... ابوييي ... ووويش ججيبك حجرتي ؟



( ابو سلوم ) : ويش جيبني حجرتك هاه ؟؟؟؟ اراويك جيفه تبوق تلفوني وانا عافس عليه البيت من الصبح ولاني محصلنه ... واقول وين راح ؟



*************



طق باب الحجرة ... ويوم سمع صوت الطبيب يقول اليه ادخل ... دخل بادب واحترام .... وهو باين عليه من وجهه الخوف من مفاجاه جديدة .... يمكن ان الطبيب يفاجئه ابها .
( الطبيب ) : اهلا محمد تفضل ادخل .



( حمود ) : سلام عليكم .... شحوالك دكتور عباس ؟



( الدكتور ) : وعليكم السلام والرحمه .... الحمدلله احنا تمام .... انته ويش احوالك اليوم ؟



( محمد ) : خلك من اخباري يا دكتور .... وطمني على الوالد .... اليوم مريت عليك اول ... قبل لا امر عليه .... هااااه ان شاء فيه تحسن في حالته عن الصبح ؟؟؟ وان شاءالله في اخبار تطمن .



( دكتور عباس ) : لا عندي ليك اخبار واجد بتفرحك .



( محمد ) : صدق دكتور .... يعني الكلام الي قلته بالصبح انساه ... بتقول اليي كلام يطمن ويريح بالي ... تكلم دكتور تكفى ... الله يخليك تكلم وريحني ....... انته ما تدري انا شقد اعاني واتالم .... هاده ابويي الي بعمري ما شفت ابو نفسه .... هاده الخير والبركه .... تكلم دكتور ويريحني .



( دكتور عباس ) : لا لا لا محمد انا توقعتك اقوى من جدي ... ليش هالدموع ؟؟؟ انته رجال والرجال ما يصيح .... خلك قوي ورجال ..... وخلي ابوك يفخر فيك .
( محمد ) : يفخر فيني على ويش ؟؟؟؟ انا واحد فاشل .... فشلت في دراستي وفي حياتي .... وخيبت ظنه وبهدلته ... بدل ما اكون اليه ولد حنون وارفع راسه .... خيبته وكسرت ظهره ومرضته ..... دكتور انا السبب في كل الي يصير حق ابوييي ... انا السبب ...... انا السبب .



وفجاءه جاه الصوت من ورى ظهره .



( ابو حمود ) : الحمدلله الي بلغني اشوفك رافع راسي ..... واشوفك رجال اقدر اعتمد عليه ... وقادر يتحمل المسؤوليه ..... احمد ربي مليون مرة باليوم .... الي هداك ونبهك على طريقك .



**********



بعد صلاة المغرب ... في بيت ابو حمود ... ام حمود وجلول صلوا وتجهزوا وتوهم بيطلعون ..... علشان يروحون يطمنون على ابو حمود المستشفى .



طق جرس الباب وكانت جلول قاعد في الصاله تحارس امها تكمل لبسها ويروحون المستشفى .



" ررررررريييييييييين روووووووووووون ...... ريييييييييييييييييين ررووووووووووووون .... ريييييييييييييييييييييين روووووووووووووون "
( جلول ) : حشى ... انزين انزين ..... الحين بنجي ... مو تخربون الجرس ..... منهو في الباب ؟



وتوها بتفتح الباب جان يطلع في وجها حمود وهو مجود ابوه ويساعده يمشي .



( جلول وهي تصرخ ) : ابووووووووووووووووويييييييييييييييييييييييي .... حمووووووووووووووووووووووووووود ....... اماااااااااااااااااااه الحقيييييييييي تعالي شوفي منهوووو عند الباااااااب .



وقامت تحضن ابوها وتبوسه وتتعلق فيه .



( حمود ) : ههههههههه يالملقوفه الوالد توه طالع من المستشفى .... شوي شوي عليه .



( جلول ) : وانته وينك حمود .... من ابويي ترقد ما شفناك .... خفنا عليك يصير فيك شي .... ما تمر البيت .... ولا نشوفك في المستشفى عند ابويي اذا نروح نزوره .



( ابو حمود ) : الحين بتوقفني وانا ابوك عند الباب ؟؟؟؟؟ تعبان ودني داخل ... وبعدين سولف ويه اختك على راحتك .



وبجيت ام حمود وهي تصيح وميته من الفرحه .
( ام حمود ) : كلووووووووووووووووووووووووووووووش ...... كلووووووووووووووووووووووووش ...... ويه توه ما تنور البيت .... رجلي وولدي ..... الحمدلله على السلامة ابو محمد ... ما تشوف شر ..... تونا كنا بنجي اليك المستشفى .... جيفه طلعوك واحنا ما عندنا خبر ؟



( حمود ) : انا بقول اليكم السالفه كامل ..... بس اول شي خولني بودي ابويي يرتاح في حجرته .



*********



( ابو سلوم ) : ها شقلت وانا اخوك ؟؟؟؟ بس نحل المساله قبل لا تتعقد ... وقبل لا تروح البنيه من ايدنا ..... وولد عمها اولها ابها من الغريب .



( ابو عبود ) : والله فاجاتني انته بالطلب ... وما كنت متوقعنه ابدا ... والهيئه ان احنا كنا نايمين ولا التفتنا لهالشي .



( ابو سلوم ) : هههههههههه وانته الصادق .... انا اليوم توني عارف ... سلوم ماخذ مني التلفون بدون ما ادري .... ويوم كنتون موجودين في البيت ... وهو كان داخل حجرته يبدل .... سمعته يهدر بروحه قعدت اتصوخه ..... وسمعته يقول نقال ما نقال واكتشفت انه ماخذ نقالي .... سويت روحي معصب عليه وجرجرت منه الكلام .... لما اعترف

اليي انه ماخدنه علشان يكلم فاطمة بتك ... وحلف انه ما كلمها لانه ما في احد في بيتكم يرفع التلفون .... لانكم كنتون جايين البيت .... ولما سالته ليش يبي يكلمها .... قال اليي انه يحبها وهي تحبه ... وهو كان ناوي يقول اليي .... علشان نحجز البنت اليه من الحين ... وما تروح لواحد غيره .... ودامهم يحبون بعض ... لا نكسر بخاطرهم وبقلوبهم .... ولما يتخرج ان شاءالله سلوم من المدرسه نملج ....وبعد سنتين نعرسهم قد صار اليه شغل واعتمد على نفسه اكثر .... ها شقلت ؟



( ابو عبود ) : انته اخويي الكبير ... وكلمتك هي الماشيه ... وما بلاقي واحد يحب بتي ويحن عليها ويحافظ عليها قد ولدك سالم .



وفجاه دخل عليهم سلوم المجلس وقعد يرقص مثل المجنون .



( سلوم ) : بعرس وبعرس وبعرس وبعرس .... هييييه يا ناس بعرس بعرس بعرس .... اي والله اي والله .. دان داانييي دانيي دانيي ... اردح ادرح اردح اي والله اي والله .



( ابو سلوم وابو عبود ) : هههههههههههههههههههه ..... اقعد يا ولد ... بلا حركات فاضيه .... ترى نهون .



( سلوم ) : لا لا كل شي ولا التهوين ..... انا اعجبكم واصير خوش ولد.



وراح باس راس ابوه وعمه وطلع عنهم .



*************
( حمود ) : انا كنت واحد جاهل .... ومستهتر وطايش ... وما اتحمل المسؤوليه ..... داك اليوم تهاوشت مع استادنا العلوم وضربته ... والمدرسه فصلوني ... وخفت اقول اليكم ..... قمت جدبت عليكم وقلت ان المدرسه عطوني اجازة لان الاستاد مريض .... ابوي شك في الموضوع ... وراح سال المدرسه وعرف الحقيقه ... كنت نايم في البيت بالصبح ... وهو من زود القهر دخل عليي الحجرة .... وقام يضرب فيني بالعصا ..... اول شي ما حسيت عليه وقلت اكيد احلم ..... لكن بعدين ما لقيت نفسي من حرارة الضرب الا دفعت ابويي على الارض وقمت اقط عليه الفاظ استحي اقولها .... وطلعت برى البيت ... لقيت رفيقي سالم عند الباب ..... ولما شافني معصب دخلني البيت يهديني ويتفاهم ويايي ويعرف السالفه .... وبالصدفه لقينا ابويي عند الباب في وجهنا .... قام يصرخ عليي اطلع برة .... اطلع برة ... لما اغمى عليه من شده العصبيه ..... حاولنا نصحيه ونقعده ما قدرنا ..... قعدتين انتين ( يقصد امه ) على صوت صراخي .... وشفتين ابويي مرمي على الارض ... اتصلتون في خالي ونقلناه على المستشفى .... انا عرفت اني غلطان وندمت وتاسفت وصحت وعذبت نفسي .... لكن بعد شنو .... بعد ما ابووي صار مرمي مريض بالمستشفى .... كانت هذي صدمه كبير لي ... اني اتسبب في مرض ابويي وعذابه .... قررت ارجع لنفسي الضايعه ... اراجعها واشوف الخلل وين فيها .... قمت استحي ادخل
البيت واقابلكم ... استحي اشوف نظرات الخوف على ابويي بسبيي.... وقررت ما ادخل البيت الا اذا انتون نمتون وتاكدت من نومكم ..... كنت ادخل اسوي اشغالي في حجرتي .... وبسرعه قبل لا تحسون عليي اطلع عقب ما اطمن عليكم ..... كنت اروح الى ابويي المستشفى واقعد عنده بالساعات في الليل والعصر ... بعد ما اتاكد ان محد موجود عنده من اهلي او ناس اعرفهم .... اقعد اقرا عليه القران وادعي اليه واصلي .... واصيح عنده واكلمه واستسمح منه .... كنت احس انه يسمعني ويسامحني على الي سويته .... افرح واستانس .... ظليت على هالحال لما امس دخلت على ابويي ...... وشفت حاله تغيرت .... بس ما كنت ادري للاحسن او للاسوء .... رحت ركضه عند الطبيب .... سالته عن حاله ابويي ... صارحني وقال ليي انه مصاب بجلطه وهالجلطه ممكن تخليه مشلول طول عمره او يموت بعد اسبوع ..... ومن سمعت الخبر انصكت فيني الدنيا .... ما لقيت نفسي الا في بيت رفيقي سلوم واصيح عنده وحالي وصياحي جنوني .... حاول يهديني ويخفف عني .... مر الوقت وصارت حزت روحتي المستشفى بالعصر اطمن على ابويي ..... دخلت على الطبيب وكان على وجهي علامات استفهام ..... كان وجه الطبيب يبشر
بالخير .... بس كنت خايف يقول لي شي مو زين .... بشرني ان عنده خبر زين اليي وبفرحني ... قمت اصيح واصيح ..... وفجاه سمعت صوت ابويي من ورايي يكلمني .... رحت اليه وحضنته .... استسمحت منه وبسته .... قعدت وياه وتكلمنا ... قال اليي انه كان يسمعني يوم اني كنت اروح اقرا عنده القران والدعاء .... يوم اني اصيح عنده واترجاه يسامحني ... كان ظني في محله كان يسمعني ..... حضني وعيونه تدمع دموع الفرح .... وقال اليي " انا قخور فيك لانك رفعت راسي وعرفت طريق الصح ومشيت فيه ..... لانك قدرت تتحمل مسؤوليه ابو مريض وتخاف عليه .... لانك لقيت محمد الضايع " ..... قمت اصيح وياه وقلت اليه " ابويي تدري اني اشتغل ؟ " .... قال اليي " لا متى ووين ؟ " .... قلت اليه " من يوم ما حاسبت نفسي وشفتها بدون احساس وقيمه .... ومن يوم ما لقيت محمد الضايع .... ورحت ادور عليه .... صرت ادور شغل من مكان الى ثاني ... لما حصلت في مصنع التعليب ... صرت اخلص دوامي واجي اطمن عليك واقعد وياك واروح البيت اطمن عليه بالليل وارد ارجع اليك مرة ثانيه " .
خلص حمود كلامه وعيونه متورمه من الصياح وامه واخته نفس الشي .... وابوه كان قاعد يسمع اليه وهو داخل حجرته .... كان مستانس على كل الي صار .... وعرف ان مرضته هادي هي صلاح الي ولده .... حمد ربه وشكره على كل حال .




النهـــــــــايـــــــة
أتمنى أن تنال إعجابكم
وشكرا

قريت الى الجزء الثالث

جار التحميل تسلم

عجيبة رائعة

تـــسـلــمــي أخــتــي عــلــى الـرد

لا عـــدمــتــيـنـا

جــاري التحميل

وبإنــتـظار تــكــمــلـة الـقــصــة




تــحــيــاتــــــي

عاشق طويله القصه تعبت وانا اقرى فيها
انشالله بكملها
تسلم عل قصه


تقبل مروري وخالص احترامي

بنت الحياه

هههههههههههههه
اليوم قريت الجزئين باقي علي بعد


بصراحة نكت نكت

هههههههههههه

تــســلــمــي أخــتــي عــلـى الـتواصل

وإن شاء الله تـــكــمــلـيــنـهــا

انـــتـــظــر الـرأي الأخـــــــير



تــــحـــيــاتــــــــــــــــي

هههههههههههههههههههههه ....... انته حاطينك على الهزاز والا ويش يعني ؟؟؟ قلنا جايتنك برديه .... تهز كلامكم الاويش ؟؟؟ هزيتنا وياك من اول حرف قلته الى اخر حرف .... ويا ليت فهمنا منك شي


اليوم كملته بصراحة قصة ولا اروع كلشي فيها كوميدية رومانسية وكلشي تسلم وتجيب لنه غيرها

تسلمي أختي على الرد

الظاهر عورنا راسج

سووووووووووري مو قصدي


تقبل اعتذاري



تحياتي لكي

ههههههههههههههههه


لا لاعادي اصلا اني مدمنة قراءت قصص انزلهم ملف وورد واقراء

تحيااااااااااتي